- గతేడాది ఏప్రిల్ తో పోలిస్తే 1.29 మీటర్ల ఎత్తులోనే
- సమృద్ధిగా వర్షాలు కురవడంతో సేఫ్జోన్లో జిల్లా
- ఈ ఏడాది మార్చితో పోలిస్తే -0.49 మీటర్ల దిగువకు
- 26 మండలాలు సేఫ్, ఐదు మండలాల్లో అడుగంటిన జలాలు
నల్లగొండ ప్రతినిధి, ఏపీబీ న్యూస్: నల్లగొండ జిల్లాలో భూగర్భజల మట్టాలు సగటున 7.18 మీటర్ల ఎత్తులో ఉన్నాయి. గతేడాది ఏప్రిల్ తో పోలిస్తే ఈ ఏడాది ఏప్రిల్ లో 1.29 ఎత్తుకు నీటి మట్టాలు పెరిగాయి. నైరుతి, ఈశాన్య రుతుపవనాల కారణంగా జిల్లాలో సమృద్ధిగా వానలు పడ్డాయి. దాంతో భూగర్భజలాలు ఆశాజనకంగా కనిపిస్తున్నాయి. గతేడాది ఏప్రిల్ లో 8.46 మీటర్ల ఎత్తులో నీటి మట్టాలు ఉండగా, ఈ ఏడాది అదే రోజుల్లో 7.18 మీటర్లకు ఎత్తుకు పెరిగాయి. 31 మండలాల్లో 26 మండలాలు సేఫ్ జోన్లో ఉండగా, ఐదు మండలాల్లో నీటిమట్టాలు అడుగంటిపోయాయి. గతేడాదితో పోలిస్తే అడవిదేవులపల్లి మండలంలో -0.33 అడుగులకు నీటిమట్టాలు పడిపోగా, డిండి మండలంలో -6.80, మిర్యాలగూడలో -1.58 అడుగులు, నార్కట్ పల్లిలో -0.02 అడుగులు, వేములపల్లి మండలంలో -0.44 అడుగులకు నీటి మట్టాలు పడిపోయాయి. నాగార్జునసాగర్ ఆయకట్టు ప్రాంతమైన నాగార్జునసాగర్, మిర్యాలగూడ ఏరియాల్లో నీటిమట్టాలు హెచ్చుతగ్గులు కనిపిస్తుండగా, ఏఎమ్మార్పీ ప్రధాన కాలువ పరిధిలోని నీటి నిల్వలు సమృద్ధిగానే ఉన్నట్టు నివేధికలు చెప్తున్నాయి. అయితే ఈ ఏడాది మార్చితో పోలిస్తే మాత్రం ఏప్రిల్లో నీటి మట్టాలు -0.49 అడుగులకు పడిపోయినట్టు భూగర్భజల నివేధికలు చెప్తున్నాయి. మేలో పగటి ఉష్ణోగ్రతలు 46 డిగ్రీలకు చేరినందున రాబోయే రోజుల్లో నీటి మట్టాలు పడిపోయే అవకాశం ఉండొచ్చని అధికారులు భావిస్తున్నారు. ఇప్పటికైతే తాగునీటి అవసరాల నిమిత్తం పుట్టంగండి, ఉదయసముద్రం, బ్రహ్మణ వెల్లంల రిజర్వాయర్లలో నీటి నిల్వలు గరిష్టస్థాయిలోనే ఉన్నాయి.
నల్లగొండ జిల్లాలో భూగర్భ జల నీటిమట్టాల వివరాలు..
| మండలం | ఏప్రిల్-26 | ఏప్రిల్-25 |
| అడవిదేవులపల్లి | 4.25 | 3.92 |
| అనుముల | 4.84 | 5.80 |
| చందంపేట | 5.62 | 9.60 |
| చందూర్ | 9.54 | 11.49 |
| చింతపల్లి | 9.96 | 13.13 |
| చిట్యాల | 8.82 | 13.21 |
| దామరచర్ల | 12.68 | 12.96 |
| దేవరకొండ | 8.21 | 9.12 |
| గట్టుప్పల్ | 7.42 | 9.99 |
| గుండ్లపల్లి | 13.20 | 6.41 |
| గుర్రంపోడు | 3.49 | 4.94 |
| కనగాల్ | 6.57 | 7.58 |
| కట్టంగూర్ | 8.65 | 10.64 |
| కేతేపల్లి | 2.01 | 2.92 |
| కొండమల్లేపల్లి | 3.94 | 6.07 |
| మాడుగులపల్లి | 6.23 | 8.36 |
| మర్రిగూడ | 11.35 | 12.92 |
| మిర్యాలగూడ | 3.06 | 1.47 |
| మునుగోడు | 9.82 | 11.20 |
| నక్రేకల్ | 7.28 | 7.29 |
| నల్గొండ | 7.01 | 8.71 |
| నాంపల్లి | 2.77 | 11.87 |
| నార్కెట్పల్లి | 8.38 | 8.36 |
| నేరెడుగొమ్ము | 7.64 | 8.30 |
| నిడమనూరు | 7.89 | 9.10 |
| పి.ఏ.పల్లి | 5.34 | 6.62 |
| పెద్దవూర | 5.94 | 6.93 |
| శాలిగౌరారం | 4.87 | 6.38 |
| తిప్పర్తి | 1.91 | 2.89 |
| తిర్మలగిరి సాగర్ | 8.05 | 9.71 |
| త్రిపురారం | 2.49 | 2.92 |
| వేములపల్లి | 4.40 | 3.96 |
| గుడిపల్లి | 0.94 | 2.35 |
