- నంబర్ ప్లేట్ స్థానంలో నేత పేరుతో ఓవర్ స్పీడ్ విన్యాసాలు..
- ట్రాఫిక్ పోలీసుల తీరుపై నగరవాసుల తీవ్ర విమర్శలు
హైదరాబాద్, ఏపీబీ న్యూస్: రాజధాని హైదరాబాద్ నగరం దిల్సుఖ్నగర్ ప్రాంతంలో “తెలంగాణ టైగర్ రేవంత్ రెడ్డి” అనే పేరుతో ఉన్న ఒక కారు తీవ్ర కలకలం రేపింది. వాహనానికి అసలైన రిజిస్ట్రేషన్ నంబర్ ప్లేట్ ఉండాల్సిన స్థానంలో పొలిటికల్ నేమ్ బోర్డును తగిలించుకుని, రోడ్లపై ఓవర్ స్పీడ్తో దూసుకెళ్తూ స్థానికులను, ఇతర వాహనదారులను తీవ్ర భయాందోళనకు గురిచేసింది.
బుధవారం రద్దీగా ఉండే దిల్సుఖ్నగర్ ప్రధాన రహదారిపై ఈ కారు విచ్చలవిడిగా తిరుగుతూ ప్రమాదకర రీతిలో విన్యాసాలు చేసింది. కారు వేగాన్ని చూసి కాలినడకన వెళ్లే బాటసారులు, ద్విచక్ర వాహనదారులు తీవ్ర భయాందోళనకు గురయ్యారు.
ట్రాఫిక్ పోలీసుల తీరుపై వెల్లువెత్తుతున్న ఆగ్రహం
హైదరాబాద్ లాంటి మహానగరంలో నంబర్ ప్లేట్ లేకుండా, మోటారు వాహనాల చట్టాన్ని బహిరంగంగా ఉల్లంఘిస్తూ ఒక కారు స్వేచ్ఛగా తిరుగుతుంటే ట్రాఫిక్ పోలీసులు ఏం చేస్తున్నారంటూ ప్రజలు తీవ్ర ఆగ్రహం వ్యక్తం చేస్తున్నారు.
సంఘటన విశేషాలు & ఉల్లంఘనలు:
నంబర్ ప్లేట్ ఉల్లంఘన: వెహికల్ నంబర్ ప్లేట్ స్థానంలో “తెలంగాణ టైగర్ రేవంత్ రెడ్డి” అని రాసి ఉన్న బోర్డు అమర్చడం.
ర్యాష్ డ్రైవింగ్: దిల్సుఖ్నగర్ వంటి రద్దీ ప్రాంతాల్లో అధిక వేగంతో డ్రైవింగ్ చేస్తూ ప్రమాదకర పరిస్థితులు సృష్టించడం.
ప్రజల ఆందోళన: సాధారణ పౌరులపై చలాన్లు విధిస్తూ, ఇలాంటి విచ్చలవిడి వాహనాలపై చర్యలు తీసుకోకపోవడంపై అసంతృప్తి.
సాధారణ వాహనదారులు చిన్నపాటి రూల్ అతిక్రమిస్తేనే కఠినంగా వ్యవహరించే పోలీసులు, రాజకీయ నాయకుల పేర్లు పెట్టుకుని రోడ్లపై హంగామా చేస్తున్న వారిపై ఎందుకు చర్యలు తీసుకోవడం లేదని స్థానికులు ప్రశ్నిస్తున్నారు. ఇప్పటికైనా సీసీటీవీ దృశ్యాల ఆధారంగా ఆ వాహనాన్ని గురించించి, బాధ్యులపై చట్టపరమైన కఠిన చర్యలు తీసుకోవాలని నగరవాసులు కోరుతున్నారు.
