- బౌమా కనెక్స్పో ఇండియా 2026
- గ్రేటర్ నోయిడా వేదికగా 21 ఉత్పత్తులను ప్రదర్శించిన జేసీబీ..
- అత్యంత ఆధునిక బ్యాక్హో లోడర్లు, డిజిటల్ టెక్నాలజీలు విడుదల..
గ్రేటర్ నోయిడా, ఏపీబీ న్యూస్: దేశంలో భూమి తవ్వకం, నిర్మాణ పరికరాల తయారీ రంగంలో అగ్రగామిగా ఉన్న జేసీబీ ఇండియా (JCB India), ప్రసిద్ధ ‘బౌమా కనెక్స్పో ఇండియా 2026’ (Bauma CONEXPO India 2026) ప్రదర్శనలో సరికొత్త విప్లవానికి తెరలేపింది. అంతర్జాతీయ ప్రమాణాలకు అనుగుణంగా, పూర్తిగా భారత్లోనే డిజైన్ చేసి, ఇంజనీరింగ్ చేసి తయారు చేసిన 10 నూతన మేడ్-ఇన్-ఇండియా యంత్రాలను కంపెనీ ఈ ప్రదర్శనలో ఘనంగా ఆవిష్కరించింది.
గ్రేటర్ నోయిడాలోని ఇండియా ఎక్స్పో సెంటర్లో సుమారు 2,000 చదరపు మీటర్ల విస్తీర్ణంలో ఏర్పాటు చేసిన భారీ పెవిలియన్లో మొత్తం 21 రకాల ఉత్పత్తులను జేసీబీ ప్రదర్శనకు ఉంచింది.
సరికొత్త 3DX బ్యాక్హో లోడర్ల శ్రేణి!
వినియోగదారుల మారుతున్న అవసరాలకు అనుగుణంగా, అధిక ఉత్పాదకత, అత్యుత్తమ ఇంధన సామర్థ్యం (Fuel Efficiency), మరియు ఆపరేటర్ల సౌకర్యమే ప్రధాన ధ్యేయంగా జేసీబీ తన ఉత్పత్తులను అప్గ్రేడ్ చేసింది. ఇందులో భాగంగా కంపెనీకి చెందిన అత్యంత ప్రజాదరణ పొందిన 3DX, 3DX Plus, 3DX Super మోడళ్ల సరికొత్త శ్రేణిని మార్కెట్లోకి తీసుకొచ్చింది.
గత 18 నెలల కాలంలోనే తమ బ్యాక్హో లోడర్ల ఇంధన వినియోగ సామర్థ్యాన్ని గణనీయంగా పెంచినట్లు జేసీబీ ప్రతినిధులు వెల్లడించారు.
జేసీబీ ఇండియా ప్రదర్శన – ప్రధాన విశేషాలు:
10 కొత్త ఆవిష్కరణలు: పూర్తిస్థాయిలో స్వదేశీ సాంకేతికతతో తయారైన 10 నూతన యంత్రాలు విడుదల.
విస్తృత శ్రేణి పరికరాలు: ప్రదర్శనలో బ్యాక్హో లోడర్లతో పాటు ఎక్స్కవేటర్లు, సరికొత్త అగ్రిమాక్స్ (Agri Extra), జెన్సెట్లు, యాక్సెస్ ప్లాట్ఫామ్లు, వీల్ లోడర్లు కొలువుదీరాయి.
డిజిటల్ సాంకేతికతలు: యంత్రాల పనితీరును రియల్ టైమ్లో పర్యవేక్షించే జేసీబీ లైవ్లింక్ (LiveLink), పార్ట్స్ ఆన్లైన్, మరియు ఆపరేటర్ శిక్షణ కోసం ట్రైనింగ్ సిమ్యులేటర్ వంటి సాంకేతికతలను ప్రదర్శించారు.
గ్లోబల్ ఎక్స్పోర్ట్ హబ్: భారత్లో తయారవుతున్న ఈ యంత్రాలు దేశీయ ప్రాజెక్టులకు మద్దతు ఇవ్వడంతో పాటు ప్రపంచవ్యాప్తంగా 135కు పైగా దేశాలకు ఎగుమతి అవుతున్నాయి.
దేశ అభివృద్ధిలో జేసీబీ భాగస్వామ్యం: ఎండీ దీపక్ శెట్టి
ఈ సందర్భంగా జేసీబీ ఇండియా సీఈఓ, మేనేజింగ్ డైరెక్టర్ దీపక్ శెట్టి మాట్లాడుతూ.. ‘‘భారతదేశం మునుపెన్నడూ లేనంత వేగంగా, భారీ స్థాయిలో మౌలిక సదుపాయాలను అభివృద్ధి చేస్తోంది. గ్రామీణ రవాణా నుంచి భారీ ఇన్ఫ్రా ప్రాజెక్టుల వరకు దేశీయ వృద్ధి ప్రస్థానంలో జేసీబీ యంత్రాలు కీలక పాత్ర పోషిస్తున్నాయి. ఈ ఏడాది ‘బెటర్ టుడే. ఈవెన్ బెటర్ టుమారో’ అనే థీమ్తో 21 ఉత్పత్తులను ప్రదర్శిస్తున్నాం. ఇది ఆత్మనిర్భర్ భారత్ లక్ష్యానికి దోహదపడటంతో పాటు ప్రపంచ తయారీ కేంద్రంగా భారత్ను నిలుపుతుంది’’ అని స్పష్టం చేశారు.
అత్యాధునిక లైవ్లింక్ టెక్నాలజీ ద్వారా యంత్రాలలో వచ్చే సమస్యలను ముందే గుర్తించి, పని సమయాన్ని పెంచుకోవడానికి కస్టమర్లకు గొప్ప వెసులుబాటు లభిస్తుందని కంపెనీ వర్గాలు తెలిపాయి.
