- సహకార సంఘాల పాలకవర్గాలు రద్ధు
- డీసీసీబీ, ప్యాక్స్ పాలకవర్గాలను రద్దు చేసిన ప్రభుత్వం
- పర్సన్ ఇన్చార్జిలుగా కలెక్టర్లు, సొసైటీ ఆఫీసర్లు
- నల్లగొండ డీసీసీబీ బాధ్యతలు చేపట్టిన జిల్లా కలెక్టర్ త్రిపాఠి
- డీసీసీబీల పైన హైకోర్టులో పీటీషన్ వేసిన వైస్ చైర్మన్ ఏసిరెడ్డి
నల్లగొండ ప్రతినిధి, ఏపీబీ న్యూస్: రాష్ట్ర ప్రభుత్వం పీఏసీఎస్, డీసీసీబీల పాలకవర్గాలను రద్ధు చేసింది. ఈ మేరకు శుక్రవారం రాత్రి ఉత్తర్వులు జారీ చేసింది. డీసీసీబీల పర్సన్ ఇన్చార్జిలుగా జిల్లా కలెక్టర్లు, సొసైటీలకు సహకార ఆఫీసర్లను పర్సన్ ఇన్చార్జిలుగా నియమించాలని ఉత్తర్వుల్లో పేర్కొంది. సొసైటీ ఎన్నికలు నిర్వహించేంత వరకు పర్సన్ ఇన్చార్జిలుగా కలెక్టర్లు, సొసైటీ ఆఫీసర్లు వ్యవహారిస్తారు. నల్లగొండ జిల్లా డీసీసీబీ వైస్ చైర్మన్ ఏసిరెడ్డి దయాకర్ రెడ్డి హైకోర్టులో దాఖలు చేసిన పిటీషన్ విచారణలో ఉండగానే ప్రభుత్వం రద్ధు నిర్ణయం తీసుకుంది. ఈ ఏడాది ఆగస్టున ప్రభుత్వం డీసీసీబీ చైర్మన్, సొసైటీ పాలకవర్గాల పదవీ కాలాన్ని పొడగించింది. బ్యాంకు డైరక్టర్లు, వైస్ చైర్మన్ పదవీ కాలాన్ని పొడగించకపోవడంతో నల్లగొండ జిల్లా వైస్ చైర్మన్ ఏసిరెడ్డి దయాకర్ రెడ్డి హైకోర్టులో పిటీషన్ దాఖలు చేశారు. రాష్ట్రంలోని 9 డీసీసీబీ ల పైన కోర్టులో పిటీషన్ విచారణ జరుగుతోంది. ఇటీవల జరిగిన విచారణలో ప్రభుత్వం తరపున హైకోర్టుకు అడ్వకేట్ జనరల్ హాజరయ్యారు. పదవీకాలం పొడగింపులో చైర్మన్ ఒక్కరికే అవకాశం ఇవ్వడం, డైరక్టర్లు, వైస్ చైర్మన్ పదవీకాలాన్ని పొడగించకపోవడం పైన హైకోర్టు తీవ్ర అభ్యంతరం వ్యక్తం చేసింది. దీని పైన ఇరువైపుల వాదోపవాదనలు జరుగుతున్నాయి. వచ్చే సోమవారం హైకోర్టులో మరోసారి వాధనలు జరగనున్నాయి. ఈ నేపథ్యంలో ప్రభుత్వం రద్ధు నిర్ణయాన్ని ప్రకటించడం హర్షనీయమని వైస్ చైర్మన్ ఏసిరెడ్డి దయాకర్ రెడ్డి తెలిపారు.
గతేడాది ‘చేతి’కి చిక్కిన నల్లగొండ డీసీసీబీ..
నల్లగొండ డీసీసీబీ రాజకీయం అనేక మలుపులు తిరిగింది. 2020 ఫిబ్రవరిలో డీసీసీబీ, సొసైటీలకు ఎన్నికలు జరిగాయి. గతేడాది ఫిబ్రవరిలోనే పాలకవర్గాల పదవీకాలం ముగిసింది. బీఆర్ఎస్ పాలన లో డీసీసీబీ చైర్మన్గా గొంగడి మహేందర్ రెడ్డి, వైస్ చైర్మన్గా ఏసిరెడ్డి దయాకర్ రెడ్డి ఎన్నికయ్యారు. మొత్తం 20 మంది డైరక్టర్లలో కాంగ్రెస్ సపోర్ట్తో కుంభం శ్రీనివాస్ రెడ్డి ఒక్కరే ఎన్నికయ్యారు. కాంగ్రెస్ అధికారంలోకి వచ్చాక శ్రీనివాస్ రెడ్డి చైర్మన్ మహేందర్ రెడ్డి పైన అవిశ్వాసం ప్రతిపాధించారు. ఈ మేరకు అప్పటి వరకు బీఆర్ఎస్లో ఉన్న డైరక్టర్లు 15 మంది శ్రీనివాస్ రెడ్డికి మద్ధతు తెలిపారు. 18 రోజుల పాటు క్యాంపు రాజకీయాలు నడిపారు. మహేందర్ రెడ్డి సైతం తన పదవి కాపాడుకునేందుకు చేసిన ప్రయత్నాలు విఫలంకావడంతో చివరకు ఆయనే పదవీ నుంచి తప్పుకున్నారు. గతేడాది జూన్ లో మొదలైన డీసీసీబీ అవిశ్వాస రాజకీయంగా నెలాఖరులో అవి శ్వాస తీర్మానం ఆమోదంతో తెరపడింది. గతేడాది జులై 1న శ్రీనివాస్ రెడ్డి చైర్మన్గా బాధ్యతలు స్వీకరించారు.
శ్రీనివాస్ రెడ్డి చైర్మన్గా ఏడాదిన్నర…
కుంభం శ్రీనివాస్ రెడ్డి చైర్మన్గా ఏడాదిన్నర పాటు పదవిలో కొనసాగారు. గతేడాది జులై 1న చైర్మన్గా ఎన్నికైన శ్రీనివాస్ రెడ్డి పదవీకాలాన్ని ఈ ఏడాది ఫిబ్రవరి 14న ప్రభుత్వం ఆరు నెలల పాటు పొడగించింది. అప్పుడు డైరక్టర్ల పదవీకాలం కూడా పొడగించారు. మళ్లీ రెండోసారి ఆగస్టు 14న గడువు పొడగించినప్పుడు చైర్మన్ ఒక్కరి కే పదవీకాలాన్ని పొడగించింది. సొసైటీలకు మాత్రం డైరక్టర్లు, చైర్మన్ల పదవీకాలాన్ని పెంచారు. దీంతో అప్పటి నుంచి నల్లగొండ డీసీసీబీలో గొడవలు మొదలయ్యాయి. పాలకవర్గంలో తలెత్తిన విభే ధాల వల్ల ఏసిరెడ్డి దయాకర్ రెడ్డి హైకోర్టులో పిటీషన్ వేశారు. మంత్రి కోమటిరెడ్డి వెంకటరెడ్డి అత్యంత సన్నిహితుడైన దయాకర్ రెడ్డి పిటీషన్ వేయడం డీసీసీబీలో చర్చకు దారితీసింది. నల్లగొండలో 42, సూర్యాపేటలో 47, యాదాద్రి జిల్లాలో 21 సొసైటీలకు డీసీఓ లు పర్సన్ ఇన్చార్జిలను నియమిస్తారు. శుక్రవారం జిల్లా కలెక్టర్ ఇలా త్రిపాఠి నల్లగొండ డీసీసీబీ పర్సన్ ఇన్చార్జి బాధ్యతలు చేపట్టారు.
రూ.2700 కోట్ల టర్నోవర్…స్టేట్ 2 ప్లేస్
మాజీ చైర్మన్ గొంగడి మహేందర్ రెడ్డి హయాంలోనే డీసీసీబీ రూ. 2400 కోట్ల టర్నోవర్ నమోదు చేసింది. ఆ తర్వాత శ్రీ నివాస్ రెడ్డి హయాంలో మరో రూ.300 కోట్లకు పెరిగింది. మొత్తం రూ.2700 కోట్లతో రాష్ట్రంలో నల్లగొండ డీసీసీబీ రెండో స్థానంలో నిలిచింది. ప్రధానంగా పంట రుణాలు, కొత్త బ్రాంచీలు ఏర్పాటు, బ్రాంచీల్లో అదునాతన సౌకర్యాలు, డీసీసీబీ ఆధునీకీకరణ, విదేశీ రుణాలు, గోల్డ్ లోన్స్లో అగ్రస్థానం సాధించింది. రుణాల రికవరీల్లో టాప్లో నిలిచింది.
