హైదరాబాద్, ఏపీబీ న్యూస్: తెలంగాణ రాష్ట్ర ప్రభుత్వం ప్రతిష్టాత్మకంగా భావిస్తున్న 2026–2027 ఆర్థిక సంవత్సరానికి సంబంధించిన బడ్జెట్ సమావేశాల షెడ్యూల్ ఖరారైంది. ఈ నెల 26వ తేదీ నుండి రాష్ట్ర శాసనసభ బడ్జెట్ సమావేశాలు ప్రారంభం కానున్నాయి.
బడ్జెట్ ప్రవేశపెట్టనున్న భట్టి విక్రమార్క: సమావేశాల ప్రారంభం అనంతరం, కీలకమైన 2026–2027 ఆర్థిక సంవత్సర వార్షిక బడ్జెట్ను ఫిబ్రవరి 28వ తేదీన రాష్ట్ర ఆర్థిక మంత్రి, ఉప ముఖ్యమంత్రి మల్లు భట్టి విక్రమార్క శాసనసభలో ప్రవేశపెట్టనున్నారు. కాంగ్రెస్ ప్రభుత్వం ఏర్పడిన తర్వాత ప్రవేశపెడుతున్న పూర్తిస్థాయి బడ్జెట్ కావడంతో దీనిపై సర్వత్రా ఆసక్తి నెలకొంది.
15 రోజుల పాటు సమావేశాలు:
ఈసారి బడ్జెట్ సమావేశాలను సుదీర్ఘంగా నిర్వహించాలని ప్రభుత్వం యోచిస్తోంది. దాదాపు 15 రోజుల పాటు అసెంబ్లీ సమావేశాలను కొనసాగించి, బడ్జెట్పై సమగ్ర చర్చ జరపాలని కాంగ్రెస్ సర్కారు భావిస్తోంది.
నిధుల కేటాయింపులు: ఎన్నికల హామీల అమలుకు బడ్జెట్లో భారీగా నిధులు కేటాయించే అవకాశం ఉంది.
ప్రధాన రంగాలు: వ్యవసాయం, నీటిపారుదల, విద్య మరియు వైద్య రంగాలకు ప్రభుత్వం ప్రాధాన్యత ఇవ్వనుంది.
