హైదరాబాద్, ఏపీబీ న్యూస్ డెస్క్: తెలంగాణ డిప్యూటీ CM మరియు ఆర్థిక మంత్రి మల్లు భట్టి విక్రమార్క శుక్రవారం (మార్చి 20) శాసనసభలో 2026-27 రాష్ట్ర బడ్జెట్ ప్రవేశపెట్టారు. కాంగ్రెస్ ప్రభుత్వం ప్రవేశపెట్టిన మూడవ పూర్తి స్థాయి బడ్జెట్ మొత్తం ₹3,24,234 కోట్లు. ఆరు గ్యారెంటీలకు ₹50,713 కోట్లు కేటాయించారు. వ్యవసాయం, విద్య, ఆరోగ్యం, మౌలిక సదుపాయాలు, సంక్షేమం.. వంటి వాటిని ముఖ్య వాటిలో చేర్చారు.
బడ్జెట్:
| అంశం | మొత్తం |
| మొత్తం బడ్జెట్ అంచనా | ₹3,24,234 కోట్లు |
| రెవెన్యూ వ్యయం | ₹2,34,406 కోట్లు |
| క్యాపిటల్ వ్యయం | ₹47,267 కోట్లు |
| గత సంవత్సరం కంటే పెరుగుదల | ₹19,269 కోట్లు (6.3% అధికం) |
| 6 గ్యారెంటీలకు కేటాయింపు | ₹50,713 కోట్లు |
| GSDP వృద్ధి రేటు (2025-26) | 10.7%.. జాతీయ 8% కంటే అధికం |
| తెలంగాణ తలసరి ఆదాయం | ₹4,18,931.. జాతీయ సగటు ₹2,19,575 కంటే 1.9 రెట్లు |
సెక్టార్ వారీ కేటాయింపులు
| శాఖ | కేటాయింపు |
| వ్యవసాయం | ₹23,179 కోట్లు (అతి పెద్ద కేటాయింపు) |
| విద్యుత్ / ఎనర్జీ | ₹21,285 కోట్లు |
| నీటిపారుదల / ఇరిగేషన్ | ₹22,615 కోట్లు |
| మున్సిపల్ పరిపాలన & పట్టణాభివృద్ధి | ₹17,907 కోట్లు |
| రవాణా, రోడ్లు & భవనాలు | ₹12,789 కోట్లు |
| వైద్య & ఆరోగ్య శాఖ | ₹13,679 కోట్లు |
| విద్యా శాఖ | ₹26,674 కోట్లు |
| మహిళలు & శిశు సంక్షేమం | ₹3,143 కోట్లు |
| పరిశ్రమలు | ₹3,490 కోట్లు |
| పర్యాటకం | ₹1,224 కోట్లు |
| SC సంక్షేమం | ₹11,784 కోట్లు |
| BC సంక్షేమం | ₹12,511 కోట్లు |
| ST సంక్షేమం | ₹7,937 కోట్లు |
| రాజీవ్ యువ వికాసం | ₹6,000 కోట్లు |
6 గ్యారెంటీలు: బడ్జెట్లో ₹50,713 కోట్లు
కాంగ్రెస్ ఎన్నికల హామీలైన ఆరు గ్యారెంటీలకు మొత్తం ₹50,713 కోట్లు కేటాయించారు. ఇందులో ఇందిరమ్మ ఇళ్లు, రైతు భరోసా, మహిళలకు ₹2,500 భరోసా, ఉచిత బస్సు ప్రయాణం, పింఛన్లు, నిరుద్యోగ భత్యం పథకాల అమలు ఉన్నాయి. అయితే ఈ అమలు దశలవారీగా జరుగుతుందని అధికారులు స్పష్టం చేశారు.
పెద్ద ప్రకటనలు: కొత్త పథకాలు
ఇందిరమ్మ ఫ్యామిలీ లైఫ్ ఇన్సూరెన్స్ స్కీమ్: 1.15 కోట్ల కుటుంబాలకు ₹5 లక్షల జీవిత బీమా, జూన్ 2, 2026 నుండి అమలు… ₹4,000 కోట్లు కేటాయింపు. రాజీవ్ యువ వికాసం: SC, ST, BC, మైనారిటీ యువతకు స్వయం ఉపాధి కోసం ₹6,000 కోట్లు. చేయూత విస్తరణ: 2 లక్షల కొత్త పింఛన్లు మంజూరు. 118 ATC సెంటర్లలో శిక్షణ పొందే ట్రైనీలకు నెలకు ₹2,000 స్కాలర్షిప్.
విద్య: పిల్లలకు పండగ!
Young India Integrated Residential Schools కి ₹5,000 కోట్లు. Telangana Public Schools ఏర్పాటు.. Pre-Primary నుండి Class 12 వరకు ₹500 కోట్లు. అన్ని ప్రభుత్వ జూనియర్ కళాశాలలకు మిడ్-డే మీల్స్ విస్తరణ ₹100 కోట్లు. Breakfast Scheme: Pre-Primary నుండి Intermediate వరకు మూడు రోజులు పాలు, మూడు రోజులు రాగి మాల్ట్ ₹720 కోట్లు. ఉస్మానియా యూనివర్సిటీకి ₹1,000 కోట్లు.
హైదరాబాద్: భవిష్యత్ నగరం
GHMC తో పాటు 20 మున్సిపాలిటీలు, 7 కార్పొరేషన్లు కలిపి Greater Hyderabad, Cyberabad, Medchal-Malkajgiri అనే మూడు కార్పొరేషన్లుగా పునర్వ్యవస్థీకరణ. 30,000 ఎకరాల ‘Bharat Future City’ ప్రాజెక్టు.. Machilipatnam పోర్ట్ వరకు Greenfield National Highway, భూగర్భ విద్యుత్ వ్యవస్థ. Hyderabad Metro Rail Phase 2 & 3 కొనసాగింపు. Musi Riverfront Development కి నిధులు.
ఆర్థిక లక్ష్యాలు: $1 ట్రిలియన్ కల
“2034 నాటికి $1 ట్రిలియన్ ఆర్థికవ్యవస్థ, 2047 నాటికి $3 ట్రిలియన్ ఆర్థికవ్యవస్థ — తెలంగాణ Rising లక్ష్యం” — భట్టి విక్రమార్క
అప్పుల పునర్వ్యవస్థీకరణ ద్వారా 2025-26 నుండి 2031-32 వరకు చెల్లించాల్సిన మొత్తం ₹34,058 కోట్ల నుండి ₹11,915 కోట్లకు తగ్గించారు. దీంతో ₹22,142 కోట్ల నగదు ప్రవాహ ఉపశమనం కలిగింది.
విశ్లేషణ: ₹3.24 లక్షల కోట్ల బడ్జెట్ పరిమాణపరంగా ambitious. 6 గ్యారెంటీలకు ₹50,713 కోట్లు కేటాయించడం.. కనీసం ప్రయత్నం జరిగిందని చెప్పవచ్చు. అయితే revised estimate సాధారణంగా budget estimate కంటే తక్కువగా ఉంటుంది.. 2025-26లో ₹3.04 లక్షల కోట్ల బడ్జెట్ revised estimate ₹2.81 లక్షల కోట్లకు తగ్గింది. ఈసారి కూడా అదే జరిగే అవకాశం ఉంది. Infrastructure-heavy బడ్జెట్ దీర్ఘకాలంలో మంచిదే.. కానీ అప్పుల భారం నిజమైన concern. GSDP 10.7% వృద్ధి, తలసరి ఆదాయం జాతీయ సగటు కంటే రెట్టింపు.. ఇవి నిజంగా impressive గణాంకాలు.
