పుంగనూరు, ఏపీబీ న్యూస్: ఆంధ్రప్రదేశ్ అన్నమయ్య జిల్లా పుంగనూరులోని త్యాగరాజవీధిలో ఒకే కుటుంబంలో నలుగురు కార్బన్ మోనాక్సైడ్ విషవాయువు పీల్చి మృతి చెందారు. బోరు కొచ్చిన బైక్ ఇంజన్ ను రిపేర్ చేసిన తర్వాత మెకానిక్ సూచన మేరకు రాత్రంతా ఇంటి లోపలే బైక్ ఆన్ చేసి ఉంచడంతో ఇదే గదిలో నిద్రిస్తున్న తాత, మనవడు, ఇద్దరు మనవరాళ్లు మృతి చెందారు. పిల్లల తల్లిదండ్రులు ఇంటిపై అంతస్తులో నిద్రించడంతో వారికి ముప్పు తప్పింది.
ఘటన వివరాలు
కుటుంబంలో బైక్ ఇంజన్ బోర్ కి వచ్చింది. మెకానిక్ దగ్గర రిపేర్ చేయించారు. మెకానిక్ బైక్ను రాత్రి కొంత సేపు ఆన్ లోనే ఉంచాలని సూచించాడు. ఆ సూచన మేరకు కుటుంబ సభ్యులు బైక్ను ఇంటి లోపల గదిలో రాత్రంతా ఆన్ చేసి ఉంచారు. అదే గదిలో నిద్రిస్తున్న తాత, మనవడు, ఇద్దరు మనవరాళ్లు నిద్రలోనే కార్బన్ మోనాక్సైడ్ పీల్చి మృతి చెందారు. పిల్లల తల్లిదండ్రులు ఇంటిపై అంతస్తులో నిద్రించడం వల్ల ప్రాణాపాయం తప్పింది.
విశ్లేషణ: ఈ విషాదానికి మూడు కారణాలు ఉన్నాయి.. ఒకటి: కార్బన్ మోనాక్సైడ్ ప్రమాదం గురించి అవగాహన లేకపోవడం. రెండు: మెకానిక్ ‘ఆన్ లో ఉంచమని’ సూచించినప్పుడు ‘ఎక్కడ?’ అని అడగని నిర్లక్ష్యం. మూడు: పెట్రోల్ వాహనాలు మూసిన గదిలో ఆన్ చేయడం ప్రాణాంతకమని సమాజంలో ప్రచారం జరగలేదు. స్కూళ్లు, కళాశాలలు, హాస్పిటళ్లు, ప్రభుత్వ సంస్థలు ఈ అవగాహన పెంచాలి. వాహన మెకానిక్లు తమ సూచనల్లో ‘వెంటిలేషన్ ఉన్న చోట మాత్రమే’ అని స్పష్టంగా చెప్పే అలవాటు చేసుకోవాలి.
