హైదరాబాద్ కేంద్రంగా ఉన్న కంపెనీలను వేల మైళ్ల దూరం ప్రయాణించి స్విట్జర్లాండ్‌లోని దావోస్‌కు తీసుకెళ్లి వాటిని పెట్టుబడులుగా ప్రకటించడమే వినూతలమైన ఆలోచన నా అంటూ మాజీ మంత్రి, సిరిసిల్ల ఎమ్మెల్యే కేటీఆర్ ఎక్స్ వేదికగా ట్విట్ చేసిన విషయంపై కౌంటర్ ఇచ్చిన భువనగిరి ఎంపీ చామల కిరణ్ కుమార్ రెడ్డి.
ఎక్స్ వేదికగా భువనగిరి ఎంపీ చామల కిరణ్ కుమార్ రెడ్డి ట్విట్ చేసిన అంశాలు…
చెడుగా ఆలోచించే మనిషికి ప్రతీ విషయంలోనూ చెడే కనిపిస్తుంది మంచి కనిపించదు అంటూ కేటీఆర్ ను విమర్శించారు. మీరు తెలంగాణ ప్రచారకర్త అని చెప్పుకుంటూనే, దాని పురోగతిని అణగదొక్కడానికి నిరంతరం ప్రయత్నిస్తున్నారు. దావోస్ వంటి ప్రాంతాలలో హైదరాబాద్ నుండి ఏ వ్యవస్థాపకుడిని చూడకూడదనుకుంటున్నారు. ముఖ్యమంత్రి ఎ. రేవంత్ రెడ్డి మరియు మంత్రి డి. శ్రీధర్ బాబు నాయకత్వంలో తెలంగాణ విజయవంతంగా పెట్టుబడులను ఆకర్షిస్తోందని మీరు జీర్ణించుకోలేకపోతున్నారు. మీరు అధికారంలో ఉన్నప్పుడు దావోస్‌లో భారతీయ కంపెనీలతో ఒప్పందాలు కుదుర్చుకున్నప్పుడు మీకు ఎటువంటి అభ్యంతరాలు లేవు, మా ప్రభుత్వం మా ముఖ్యమంత్రి చేసినప్పుడు మీకు సమస్యగా అనిపిస్తుంది. దావోస్ వంటి వేదికలు కంపెనీలకు ఉన్నాయని మీకు అర్థం అయితలేదా? దావోస్ వంటి వేదికలు కంపెనీలు ప్రపంచ అవకాశాలను అన్వేషించడానికి ఉన్నాయని మీకు అర్థం తెల్వదా?
హైదరాబాద్‌కు చెందిన కంపెనీకి ప్రపంచానికి వెళ్లడానికి, దాని పరిధులను విస్తరించడానికి మరియు ఉత్తమ అవకాశాలను వెతకడానికి ప్రతి హక్కు ఉంది. అలాంటి కంపెనీ తెలంగాణను పెట్టుబడి పెట్టడానికి ఉత్తమమైన ప్రదేశంగా గుర్తిస్తే, అది మీకు ఎలా సమస్యగా మారుతుంది? మీ సంకుచిత మనస్తత్వం ఆవిష్కరణలను అభినందించడంలో మీ అసమర్థతను బహిర్గతం చేస్తుంది. సంకుచ మనస్తత్వంతో ఆలోచన చేయడం మానేయండి కేటీఆర్ గారు, దయచేసి గొప్పగా ఆలోచన చేయండి అని భువనగిరి పార్లమెంట్ సభ్యులు చామల కిరణ్ కుమార్ రెడ్డి హితవు పలికారు.
