హైదరాబాద్, ఏపీబీ న్యూస్: రంగారెడ్డి జిల్లా మొయినాబాద్లోని BRS మాజీ ఎమ్మెల్యే పైలట్ రోహిత్ రెడ్డి ఫాంహౌస్లో జరిగిన డ్రగ్స్ పార్టీపై మార్చి 14 రాత్రి తెలంగాణ EAGLE టీమ్ దాడి చేసింది. ఈ దాడిలో 11 మందిని అదుపులోకి తీసుకున్నారు. డ్రగ్స్ పరీక్షల్లో TDP ఏలూరు MP పుట్టా మహేష్ కుమార్ సహా 6 మంది పాజిటివ్గా నిర్ధారించబడ్డారు. 2 గ్రాముల కొకెయిన్ స్వాధీనమైంది. దాడి సమయంలో ఒక వ్యాపారవేత్త ఒక రౌండ్ గన్ ఫైరింగ్ చేశాడు.
దాడి వివరాలు: EAGLE SP R. గిరిధర్
మార్చి 14 సాయంత్రం 7:30కి పోలీసులకు మొయినాబాద్ ఫాంహౌస్లో డ్రగ్స్ పార్టీ జరుగుతోందని నమ్మదగిన సమాచారం అందింది. రాత్రి 9:30కి EAGLE టీమ్, Future City SOT కలిసి ఫాంహౌస్పై దాడి చేశారు. ఆ సమయానికి ఫాంహౌస్లో 10 మంది (9 మగ, 1 మహిళ) ఉన్నారు. పోలీసులు లోపలికి ప్రవేశిస్తుండగా ఒక రౌండ్ గన్ ఫైరింగ్ జరిగింది. తక్షణం అందరినీ అదుపులోకి తీసుకున్నారు.
పాజిటివ్ వచ్చిన ఆరుగురు
ఘటనాస్థలంలో 11 మందిపై యూరిన్ డ్రగ్ టెస్ట్ చేయగా 5 మంది పాజిటివ్ వచ్చారు. అందరినీ ఎర్రగడ్డ ప్రభుత్వ ఆసుపత్రికి తీసుకెళ్లి బ్లడ్ శాంపిల్ తీశారు. బ్లడ్ టెస్ట్లో మరొకరు అదనంగా పాజిటివ్ వచ్చి మొత్తం 6 మంది పాజిటివ్గా నిర్ధారణ అయ్యారు. పాజిటివ్ వచ్చిన వారు: పైలట్ రోహిత్ రెడ్డి (BRS మాజీ ఎమ్మెల్యే), పుట్టా మహేష్ కుమార్ (TDP Eluru MP), రితేష్ రెడ్డి, నమిత్ మిశ్రా, కౌశిక్ రవి, అర్జున్ రెడ్డి.
గన్ ఫైరింగ్: నమిత్ మిశ్రా
దాడి సమయంలో Delhi-based real estate businessman నమిత్ శర్మ (మిశ్రా) రితేష్ రెడ్డి లైసెన్స్డ్ రివాల్వర్తో ఒక రౌండ్ ఫైర్ చేశాడు. తాను Jaipur BJP ఎమ్మెల్యే అని చెప్పి పోలీసులను బెదిరించడానికి ప్రయత్నించినట్లు సమాచారం. పోలీసులు ఆయన్ని వెంటనే అదుపులోకి తీసుకున్నారు.
స్వాధీనమైన వస్తువులు
దాదాపు 2 గ్రాముల కొకెయిన్ (తెల్లటి పొడి) స్వాధీనమైంది. కౌశిక్ రవి (బెంగళూరు-ఆధారిత న్యాయవాది) డ్రగ్స్ తీసుకువచ్చాడని ప్రాథమిక దర్యాప్తులో తేలింది. డ్రగ్స్ సిమ్లా లేదా గోవా నుండి తీసుకువచ్చారని అనుమానం.. ధృవీకరణ జారీ. రివాల్వర్, ఖాళీ కాట్రిడ్జ్ కూడా స్వాధీనమయ్యాయి.
రాజకీయ ప్రతి చర్యలు
TDP ఎంపీ డ్రగ్స్ పాజిటివ్ వార్తతో AP రాజకీయాల్లో సంచలనం నెలకొంది. YSRCP నేత మర్గాని భరత్ ‘TDP సర్కారుకు సిగ్గుచేటు’ అని ధ్వజమెత్తారు. TPCC చీఫ్ మహేష్ కుమార్ గౌడ్ KTR కూడా డ్రగ్స్ టెస్ట్ చేయించుకోవాలని సవాల్ విసిరారు. BRS మాజీ ఎమ్మెల్యే ఫాంహౌస్లో AP టీడీపీ ఎంపీ ఉండటం రెండు పార్టీలకు ఇబ్బంది కలిగిస్తోంది.
విశ్లేషణ: ఒక అధికార పార్టీ MP డ్రగ్స్ పార్టీలో పాజిటివ్ వస్తే ప్రజాస్వామ్య వ్యవస్థపై తీవ్రమైన ప్రశ్నలు తలెత్తుతాయి. ప్రజాప్రతినిధులకు ఉండాల్సిన నైతికత, జవాబుదారీతనం గురించి ఈ ఘటన ప్రజలను ఆలోచింపజేస్తోంది. EAGLE టీమ్ చేసిన దాడి, FIR నమోదు, బ్లడ్ టెస్ట్తో పాజిటివ్ నిర్ధారణ.. ఇవి న్యాయ ప్రక్రియ ముందుకు వెళ్ళే అంశాలు. రాజకీయ ప్రభావం ఉన్నప్పటికీ చట్టం తన పని తాను చేయాలని APB News ఆశిస్తోంది.
