కొడంగల్, ఏపీబీ న్యూస్: కొడంగల్ ప్రభుత్వ ఆసుపత్రిలో డాక్టర్ అందుబాటులో లేరని ప్రసవానికి వచ్చిన గర్భిణి శిరీషను వైద్య సిబ్బంది తాండూరు వెళ్ళమని తిప్పిపంపారు. దీంతో 108 అంబులెన్స్లో తాండూరు వెళ్తుండగా ఆమె ఆ అంబులెన్స్లోనే ప్రసవించింది. గురువారం అర్ధరాత్రి జరిగిన ఈ ఘటన ఆలస్యంగా వెలుగులోకి వచ్చింది. తల్లి-బిడ్డ క్షేమంగా ఉన్నారు.
ఘటన వివరాలు
గురువారం అర్ధరాత్రి ప్రసవ నొప్పులతో శిరీష కొడంగల్ ప్రభుత్వ ఆసుపత్రికి చేరింది. అయితే ఆసుపత్రిలో డాక్టర్ అందుబాటులో లేరని నర్సింగ్ సిబ్బంది తాండూరు వెళ్ళమని చెప్పారు. ఆమెను 108 అంబులెన్స్లో తాండూరుకు పంపారు. కానీ ఆసుపత్రి నుండి దూరం కూడా వెళ్లకముందే ఆమెకు ప్రసవమైంది. 108 సిబ్బంది అంబులెన్స్లోనే తక్షణ సహాయం అందించారు. తల్లి-బిడ్డ క్షేమంగా ఉన్నారు.
నెల రోజుల్లో ఇది రెండో ఘటన..
ఈ ఘటనకు కొద్ది రోజుల ముందు వేములవాడలో కూడా 9 నెలల గర్భిణిని గైనకాలజిస్ట్ లేదని ఆసుపత్రి నుండి తిప్పిపంపి సిరిసిల్లకు రిఫర్ చేసిన ఘటన APB News ప్రచురించింది. నెల రోజుల్లో రెండు ఘటనలు.. గ్రామీణ ప్రభుత్వ ఆసుపత్రుల్లో డాక్టర్ల కొరత తీవ్ర సమస్య.
చట్టం ఏం చెప్తోంది?
సుప్రీంకోర్టు 1996 పశ్చిమ బంగా కేసులో స్పష్టంగా చెప్పింది.. ఏ ప్రభుత్వ ఆసుపత్రి కూడా అత్యవసర స్థితిలో వచ్చిన రోగిని.. ముఖ్యంగా గర్భిణిని తిరస్కరించడం Article 21 (జీవించే హక్కు) ఉల్లంఘన. సిబ్బంది ‘డాక్టర్ లేడు’ అని పంపడానికి హక్కు లేదు. కనీసం ఆసుపత్రిలో అడ్మిట్ చేసి సూపర్వైజింగ్ అధికారికి సమాచారం ఇవ్వాలి.
విశ్లేషణ: శిరీష అదృష్టవంతురాలు.. 108 సిబ్బంది సమయానికి ఉన్నారు, తల్లి-బిడ్డ క్షేమంగా ఉన్నారు. కానీ ప్రతిసారి అదృష్టం ఉండదు. అర్ధరాత్రి ప్రసవ నొప్పులతో వచ్చిన మహిళను ‘డాక్టర్ లేడు’ అని పంపేయడం ఒక్క కొడంగల్ సమస్య కాదు.. రాష్ట్రంలో అనేక గ్రామీణ ఆసుపత్రుల్లో రాత్రిపూట డాక్టర్లు లేరు. ప్రభుత్వం duty doctor system బలోపేతం చేయాలి. On-call gynecologist system అన్ని PHCs, Area Hospitals కి తప్పనిసరి చేయాలి. లేకపోతే మరో అర్ధరాత్రి మరో శిరీష అంబులెన్స్లో ప్రసవించాల్సి వస్తుంది.
