- 17 మున్సిపల్, 1 కార్పోరేషన్లలో
- బీసీలు 9 మంది చైర్మన్లు, ఓసీలు 7గురు, ఎస్సీలు ఇద్దరు
- పద్మశాలి, గౌడ, ముదిరాజ్, విశ్వబ్రహ్మణ, యాదవులే చైర్మన్లు
- వైస్ చైర్మన్లుగా మైనార్టీలు, వైశ్యులు, ఇతర కులస్తులు
నల్లగొండ ప్రతినిధి, ఏపీబీ న్యూస్: ఉమ్మడి జిల్లాలో సోమవారం జరిగిన మున్సిపల్ చైర్మన్, వైస్ చైర్మన్ ఎన్నికల్లో కాంగ్రెస్ పార్టీ బీసీలకే పెద్దపీట వేసింది. 18 మున్సిపల్ కార్పోరేషన్లలో బీసీ చైర్మన్లుగా 9 మంది ఎన్నికయ్యారు. రెడ్లు నలుగురు, ఆర్యవైశ్యులు ఇద్దరు కాగా, కమ్మ సామాజికవర్గం నుంచి ఒకరు చైర్మన్గా ఎన్నికయ్యారు. రిజర్వేషన్ల ప్రకారం బీసీ లకు దేవరకొండ, హుజూర్నగర్, ఆలేరు మున్సిపాలిటీలు మాత్రమే దక్కాయి. బీసీలకు స్థానిక సంస్థల ఎన్నికల్లో 42 శాతం రిజర్వేషన్ కల్పిస్తామని కాంగ్రెస్ హైకమాండ్ ఇచ్చిన హామీకు కట్టుబడి ఉమ్మడి జిల్లాలో జనరల్, జనరల్ మహిళలకు రిజర్వు చేసిన చైర్మన్ స్థానాల్లో సైతం బీసీలకు ప్రాధాన్యత ఇచ్చారు. మిర్యాలగూడ, భువనగిరి లాంటి మున్సిపాలిటీల్లో రెడ్లు, వైశ్యులు చైర్మన్ పదవి కోసం పోటీ పడినప్పటికీ అక్కడి ఎమ్మెల్యేలు కుంభం అనిల్ కుమార్ రెడ్డి, బత్తుల లక్ష్మారెడ్డి బీసీలకే ప్రయార్టీ ఇచ్చారు. మిగితా చోట్ల కూడా ఎమ్మెల్యేలు బీసీల వైపే మొగ్గు చూపారు. ఎమ్మెల్యే కోమటిరెడ్డి రాజగోపాల్ రెడ్డి చండూరు, చౌటుప్పుల్ మున్సిపాలిటీలను బీసీలకే కట్టబెట్టి రికార్డు సృష్టించారు.
అన్ని కులాలకు సముచిత స్థానం
చైర్మన్, వైస్ చైర్మన్ పదవుల్లో అన్ని కులాలకు సముచిత స్థానం కల్పించారు. వైస్ చైర్మన్ పదవుల్లో రెడ్డి, వైశ్యులతోపాటు, బీసీల కూడా అగ్రస్థానం కల్పించారు. అయితే ఈ దఫా పద్మశాలీలకు జిల్లాలో ప్రయార్టీ లభించింది. చండూరు, పోచంపల్లి, దేవరకొండ, మిర్యాలగూడ మున్సిపల్ చైర్మన్లుగా పద్మశాలి సామాజిక వర్గానికే ఇచ్చారు.
సామాజికవర్గం వారీగా చైర్మన్, వైస్ చైర్మన్ల వివరాలు
జనరల్ కేటగిరీలో చైర్మన్ స్థానాలు ఆరు రిజర్వు కాగా, రెడ్లకు నేరేడుచర్ల, వైస్ చైర్మన్ (రెడ్డి), తిరుమలగిరి (రెడ్డి), వైస్ చైర్మన్ (బీసీ) హాలియా చైర్మన్ (రెడ్డి), వైస్ చైర్మన్ (యాదవ), సూర్యాపేట చైర్మన్ ఆర్యవైశ్య, వైస్ చైర్మన్ (ముస్లిం)లకు ప్రాతినిధ్యం కల్పించారు. బీసీలకు చండూరు (పద్మశాలి) వైస్ చైర్మన్ (రజక), పోచంపల్లి చైర్మన్ (పద్మశాలి), వైస్ చైర్మన్ (గౌడ)లకు ప్రయార్టీ ఇచ్చారు.
జనరల్ మహిళలకు రిజర్వు చేసిన ఏడు మున్సిపాలిటీల్లో చైర్మన్ లుగా నల్లగొండ మేయర్ రెడ్లకు, డిప్యూటీ మేయర్ (ముస్లిం), కోదాడ మున్సిపల్ చైర్మన్ కమ్మ, వైస్ చైర్మన్ రెడ్డి, చిట్యాల ఆర్యవైశ్యు, వైస్ చైర్మన్ (యాదవ), బీసీ మహిళలకు మిర్యాలగూడ (పద్మశాలి), వైస్ చైర్మన్ (ఆర్యవైశ్య), చౌటుప్పుల్ (గౌడ), వైస్ చైర్మ న్ (పద్శశాలి), భువనగిరి చైర్మన్ (విశ్వబ్రహ్మణ), వైస్ చైర్మన్ (మున్నూరుకాపు), యాదగిరిగుట్ట చైర్మన్ (గౌడ), వైస్ చైర్మన్ (ముదిరాజ్) ప్రాతినిధ్యం కల్పించారు.
బీసీ జనరల్, బీసీ మహిళలకు రిజర్వు చేసిన మున్సిపాలిటీల్లో చైర్మన్లుగా దేవరకొండ (పద్మశాలి), వైస్ చైర్మన్ (మైనార్టీ), హుజూర్నగర్ (గౌడ), వైస్ చైర్మన్ (పూసల), ఆలేరు (యాదవ), వైస్ చైర్మన్ (ఎరుకుల).
ఎస్సీ జనరల్కు కేటాయించిన మున్సిపాలిటీల్లో మాల సామాజిక వర్గానికి నందికొండ చైర్మన్, వైస్ చైర్మన్ కమ్మ, మాదిగ సామాజిక వర్గానికి మోత్కూరు చైర్మన్, వైస్ చైర్మన్ ఆర్యవైశ్యులకు ప్రాతి నిధ్యం కల్పించారు.
మున్సిపాలిటీల చైర్మన్ & వైస్ చైర్మన్ వివరాలు
| Sl.No. | మున్సిపాలిటీ | చైర్మన్ / మేయర్ | వైస్ చైర్మన్ |
| 1 | నల్లగొండ | బుర్రి చైతన్య (మేయర్) | అష్రఫ్ అలీ |
| 2 | దేవరకొండ | పున్నా శైలజ | జువేరియా తబుసుమ్ |
| 3 | హుజూర్నగర్ | దొంతగాని శ్రీనివాస్ గౌడ్ | మల్లికార్జున రావు |
| 4 | ఆలేరు | బీజన బాలమణి | అంగడి అంజనేయులు |
| 5 | చండూరు | కోడి శ్రీనివాసులు | భూతరాజు దశరథ |
| 6 | హాలియా | చింతల రామచంద్రారెడ్డి | రాజా రమేష్ |
| 7 | పోచంపల్లి | తడక వెంకటేశ్వర్లు | కొయ్యడ రజిని గౌడ్ |
| 8 | నేరేడుచర్ల | కొనతం చిన వెంకటరెడ్డి | నూకల సందీప్ రెడ్డి |
| 9 | తిరుమలగిరి | సంకెపల్లి రఘునందన్ రెడ్డి | గోవిందమ్మ |
| 10 | సూర్యాపేట | మొరిశెట్టి నివేధిత | షఫీ ఉల్లా |
| 11 | మిర్యాలగూడ | చిలుకూరు సుధా | గుడిపాటి శిరీష |
| 12 | చిట్యాల | పందిరి గీతా రమేశ్ | జి. శ్రీలక్ష్మి |
| 13 | చౌటుప్పల్ | మొగుడాల పావని గౌడ్ | గోషిక వినయ్ |
| 14 | భువనగిరి | తంగెళ్లపల్లి శ్రీవాణి | పోతంశెట్టి మంజుల |
| 15 | యాదగిరిగుట్ట | గుండ్లపల్లి వాణి భరత్ | గౌడ్ బరిగే రమ్య |
| 16 | కోదాడ | ఎర్నేని కుసుమ | దేవరం మల్లీశ్వరి |
| 17 | నందికొండ | బడుగు మానస స్వర్ణ | గొడవర్తి రాజా ప్రసాద్ |
| 18 | మోత్కూర్ | గడ్డం స్వప్న | పల్లెల వెంకన్న |
